You are here
Home > ၶၢဝ်ႇ > ၵၢၼ်သိုၵ်း > တပ့်သိုၵ်းၵူၼ်းမိူင်း ( ပီႇတုၸိတ့်) လႆႈပိုတ်းယိုဝ်းၵၼ် တၢႆထၢင်တီႈ

တပ့်သိုၵ်းၵူၼ်းမိူင်း ( ပီႇတုၸိတ့်) လႆႈပိုတ်းယိုဝ်းၵၼ် တၢႆထၢင်တီႈ

တႅမ်ႈ- ပၢင်တႆးၶမ်း

ၸိုင်ႈတႆးပွတ်းႁွင်ႇ ၼႂ်းၸေႈဝဵင်းမိူင်းယႆ သွင်ၵေႃ့ၽူဝ်မေးၽိတ်း ဢဝ်လႅဝ်းလမ်းၽၼ်းၵၼ်လႄႈ ၵေႃ့ပဵၼ်မေး ၸင်ႇၵႂႃႇယွၼ်းတၢင်းၸွႆႈထႅမ် တီႈတပ့်သိုၵ်းၵူၼ်းမိူင်း( ပီႇတုၸိတ့်) ႁႂ်ႈမႃးၶေၸွမ်းသေ လႆႈပိုတ်းယိုဝ်းၵၼ် တၢႆထၢင်တီႈၵမ်းလဵဝ် ။

မိူဝ်ႈဝၼ်းထီ့ 6/9/2017 ယၢမ်း 11:00 မူင်း ၼၼ့်လုင်းလမ်လႄႈ ပႃႈၶမ်းဢိင်ႇ ယူႇဝၢၼ်ႈၼႃးႁီး ဢိူင်ႇမိူင်းၸိတ့် ၸေႈဝဵင်းမိူင်းယႆ သွင်ၵေႃ့ၽူဝ်မေးၽိတ်းၵၼ် လုင်းလမ် ဢဝ်လႅဝ်လမ်းၽၼ်းမေးမၼ်း ပႃႈၼၢင်းၶမ်းဢိင်ႇ ၸွင်ႇလႅၼ်ႈၵႂႃႇယွၼ်းတၢင်းၸွႆႈထႅမ် တီႈတပ့်သိုၵ်းၵူၼ်းမိူင်း ပီႇတုၸိတ့် ၼႂ်းၸုမ်း ပူဝ်ႇမူၼ်း၊  ႁႂ်ႈမႃးႁၢမ်ႈသီးၽူဝ်မၼ်းလုင်းလမ် ၵိုတ်းလွင်ႈဢၼ်ၽူဝ်လမ်းၽၼ်းမၼ်း  ဝႃႈၼႆ။

တပ့်သိုၵ်းၵူၼ်းမိူင်း ဢၼ်ပဵၼ်ပူဝ်ႇလူင်ၸၢမ်ႇ ၸွင်ႇဢဝ်ၵူၼ်းသိုၵ်းမၼ်း 2/3 ၵေႃ့သေလူင်းတပ့်မႃးႁၢမ်ႈ သေ လုၵ်ႈၼွင့်ပူဝ်ႇလူင်ၸၢမ်ႇ ၸၢင်ႇဢဝ်ၵွင်ႈငႃလုင်းလမ် ၸႂ့်ဝၢင်းလႅဝ်း လုင်းလမ် ဢမ်ႇထွမ်ႇၵႂၢမ်းသေ ဢဝ်လႅဝ်းဝႅၼ်သႂ်ႇၶဝ်ႈၽၼ်း ပူဝ်ႇလူင်ၸၢမ်ႇ 3 ၵမ်းယူႇၵွၺ်းၼႃႇ လုင်းလမ်ၽၼ်းဢမ်ႇၶဝ်ႈလႄႈ  ပူဝ်ႇလူင်ၸၢမ်ႇ ၸင်ႇဢဝ်ၵွင်ႈယိုဝ်းသႂ်ႇလုင်းလမ် တူဝ့်ၺႃးၼႃႈဢူၵ်းမၼ်းလႄႈ လႆႈတၢႆထၢင်တီႈၵႂႃႇ ၵမ်းလဵဝ်     ဝႃႈၼႆ။

ၽူႈမီးပုၼ်းၽွၼ်းၵေႃ့ၼိုင်ႈလၢတ်ႈ – လုင်းလမ်ၼႆ့ ပဵၼ်ၵႅမ်ႁၢၼ် ၼႂ်းတပ့်ၵွင်မၢႆ (2) ပဵၼ်ၵူၼ်း ၼႂ်းၸုမ်း မူဝ်ႇမူၼ်း ၼႃႈတီႈပၢႆးမိူင်းၽေ 4 ပၵ်းသဝ်း၊ ဢႃႈသၢၵ်ႈမၼ်းမီးယူႇ  53 ၶူပ်ႇ၊ ၸိုဝ်ႈဢူႈလုင်းယွတ်ႈထုၼ်း၊ မႄႈပႃႈၼၢင်း ၺူဝ်ႇ  ပီႈၼွင်ၸမ်ၸႂ် လုင်းလူဝ်ႇလူင်ၸၢမ်ႇ  မီးလုၵ်ႈလၢင်းႁူမ်ႈၵၼ် 4 ၵေႃ့၊ ၵူၼ်းၸၢႆး 2 ၵေႃ့၊ ၵူၼ်းယိင်း 2 ၵေႃ့၊၊

Top