You are here
Home > ၶၢဝ်ႇ > ယႃႈမဝ်းၵမ် > သိုၵ်းလူင်ပွင်ၸိုင်ႈမၢၼ်ႈ ႁူမ်ႈသၢၼ်မိုဝ်းၵၼ် တၢင်းယေးၶဝ်ႈတီ့ၺွပ်း ၵူၼ်းၵဵဝ်ႇၶွင်ႈယႃႈမဝ်းၵမ် ၼႂ်းၸေႈဝဵင်းၵျွၵ့်မေး

သိုၵ်းလူင်ပွင်ၸိုင်ႈမၢၼ်ႈ ႁူမ်ႈသၢၼ်မိုဝ်းၵၼ် တၢင်းယေးၶဝ်ႈတီ့ၺွပ်း ၵူၼ်းၵဵဝ်ႇၶွင်ႈယႃႈမဝ်းၵမ် ၼႂ်းၸေႈဝဵင်းၵျွၵ့်မေး

တႅမ်ႈပၢင်တႆးၶမ်း

ဝၼ်းထီ့ 8/9/2017

ၸိုင်ႈတႆးပွတ်းႁွင်ႇ ၼႂ်းၸေႈဝဵင်းၵျွၵ့်မေး ၽၢႆႇယေး တၢင်းသိုၵ်းလူင်ပွင်ၸိုင်ႈမၢၼ်ႈ ႁူမ်ႈသၢၼ်မိုဝ်းၵၼ် ၶဝ်ႈၵူတ်ႇထၢတ်း ၼႂ်းႁိူၼ်းၵူၼ်းၸိူဝ်းဢၼ် ၵဵဝ်ႇၶွင်ႈယႃႈမဝ်းၵမ်လႄႈ ႁူပ်ႈသိမ်းလႆႈပႃးထႅင်ႈ ၶိူင်ႈၶူဝ်း ၽိတ်းပၵ်းပိူင် ၶိူင်ႈၵွင်ႈၵၢင်ႇ ထႅင်ႈတၢင်းၼမ် ။

ဝၼ်းထီ့ 7/9/2017 ယၢမ်းၵၢင်ဝၼ်း 11:00 မူင်းၼၼ့် သိုၵ်းလူင်ပွင်ၸိုင်ႈမၢၼ်ႈ တၢင်းၽၢႆႇယေး ႁူမ်ႈၵၼ်ၵႂႃႇတီ့ၺွပ်း ၵူၼ်းၵဵဝ်ၶွင်ႈယႃႈမဝ်းၵမ် ၸိုဝ်ႈ ၸၢႆးထုၼ်းဢူး  တီႈယူႇဝၢၼ်ႈလွႆၶေႃ ဢဝ်ယႃႈ မဝ်းၵမ် မိူဝ်းပၼ်ၼၢင်းၼေႃႇ ၶၢႆၼၢင်းၼေႃႇၼႆ့ ပဵၼ်ၵူၼ်းဝၢၼ်ႈ ပၢင်ပဝ်းလူင်၊ ၼႂ်းဢိူင်ႇ ၼမ့်ႁူးတွင်း ၸေႈဝဵင်းၵျွၵ့်မေး   ဝႃႈၼႆ။

ၽၢႆႇယေးတၢင်း သိုၵ်းလူင်ပွင်ၸိုင်ႈ ၸွမ်းတီ့ၺွပ်းၸၢႆးထုၼ်းဢူး ဢမ်ႇတၼ်းလႆ တူဝ် မၼ်းၸၢႆး ပၢႆႈလွတ်ႈၵႂႃႇဢွၼ်တၢင်း ၵေႃ့ဢၼ်ပဵၼ် ၼၢင်းၼေႃႇ ၼၼ့်တေ့ထုၵ်ႇသိုၵ်းလူင် ပွင်မၢၼ်ႈ တၢင်း ၽၢႆႇယေးၼႂ်းဝဵင်းၵျွၵ့်မေး တီ့ၺွပ်းၵုမ်းၶၢင်တူဝ်ဝႆ့ တီႈလုမ်း (မျဵဝ့်မယေးသၶၢၼ်း) မီးဝႆ့ၼႂ်းဢၶျူၵ်ႈ ဝဵင်းၵျွၵ့်မေးယူႇ။

လႅင်ႇၶၢဝ်ႇၼႂ်းပိုၼ့်တီႈၵေႃႈၼိုင်ႈလၢတ်ႈဝႃႈ-  ၶူဝ်းၶွင်ဢၼ်သိုၵ်းလူင်ပွင်ၸိုင်ႈ မၢၼ်ႈ တၢင်း ၽၢႆႇယေး ႁူပ်ႈသိမ်းလႆႈၵႂႃႇၸိူဝ်းၼၼ့် မိူၼ်ၼင်ႇ – ၵႃး HONDA – CRV  မၢႆၵႃး Y.G.N 1H/ 6896 ၼိုင်ႈ လမ်း၊ ၵွင်ႈလူမ်း ၼိုင်ႈလၢဝ်း၊ ၵၢင်ႇထိူၵ်းဢၼ်ပႃးမၼ်ႇပျွင်း ၼိုင်ႈဢၼ်၊ ပိုၼ်ၵၢင်ႇထိူၵ်း ဢၼ်ႁူဝ်ပဵၼ် မၢၵ်ႇ ၸိုၼ်း 17 လႅမ်ႈ၊ ႁိူၼ်းၵၢင်ႇထိုၵ်း 1  ဢၼ်၊ လႅဝ်း 2 မၢၵ်ႈ၊ ႁွၵ်ႇၵၢၼ်းယၢဝ်း 1 မၢၵ်ႈ၊ ၵွင်ႈပွတ်း 9-MM ထႅင်ႈၼိုင်ႈလၢဝ်း၊မီးပႃးမၢၵ်ႇမၼ်း 5 ႁူၺ်ႇ၊ မၢၵ်ႇပွမ်းလၢႆးမျဵဝ်းသိုၵ်းၸႂ့်တိုဝ်းထႅင်ႈ 1 လုၵ်ႈ၊ သမ့်ပႃးထႅင်ႈ ငိုၼ်း သိပ်းသႅၼ် (10,00000) ပျႃး ၊ယႃႈမလုၵ်ႈပွင်းမၼ်း 117 မဵတ့်၊ ၽူင်းထႅင်ႈ 1 လုၵ်ႈ  ဝႃႈၼႆ။

Top