You are here
Home > ၶၢဝ်ႇ > ယႃႈမဝ်းၵမ် > ၽၢႆႇၽူႈမီးပုၼ်ႈၽွၼ်းမၢၼ်ႈၶဝ် တီႉၺွပ်းလႆႈယႃႈ၊ ၶိူင်ႈႁဵတ်းယႃႈ ၵွင်ႈၵၢင်ႇတင်းၼမ် တီႈဝဵင်းတႃႈၶီႈလဵၵ်း”

ၽၢႆႇၽူႈမီးပုၼ်ႈၽွၼ်းမၢၼ်ႈၶဝ် တီႉၺွပ်းလႆႈယႃႈ၊ ၶိူင်ႈႁဵတ်းယႃႈ ၵွင်ႈၵၢင်ႇတင်းၼမ် တီႈဝဵင်းတႃႈၶီႈလဵၵ်း”

ၶၢဝ်ႇ- တႆး တၢင်ႉယၢၼ်း

ဝၼ်းထီႉ-  05- 06-2020

ၽွင်းၽူႈမီးပုၼ်ႈၽွၼ်းၶဝ် တိုၵ်ႉၵူတ်ႇထတ်းၵႃးၵႂႃႇမႃး တီႈၵိၵ်ႉ မၢၵ်ႇယၢင်း တၢင်းၶဝ်ႈဝဵင်းတႃႈၶီႈလဵၵ်းယူႇၼၼ်ႉ ၸႅတ်ႈႁၼ်ၺႃး ၵႃး12လေႃႉ ၼိုင်ႈလမ်းလႄႈၵႃး6လေႃႉၼိုင်ႈလမ်း ဢၼ်တၢင်ႇ ၶိူင်ႈႁဵတ်းယႃႈထူင်လူင်69ထူင်သေ လုၵ်ႉတင်းၵဵင်းတုင်ဢၢၼ်း ႁေႃႈၶဝ်ႈၼႂ်းဝဵင်းတႃႈၶီႈလဵၵ်း၊ ၵူၼ်းႁေႃႈၵႃး12လေႃႉ ၸိုဝ်ႈႁွင်ႉ မိၼ်းမိၼ်းလတ်ႉ၊ ၵူၼ်းႁေႃႈၵႃး6လေႃႉ ၸိုဝ်ႈႁွင်ႉ ႁဵင်းမိၼ်းထၢႆႉ။

ၵူၼ်းထုၵ်ႇၺွပ်းသွင်ၵေႃႉ လၢတ်ႈဝႃႈ“ တေဢၢၼ်းမိူဝ်းသူင်ႇပၼ် တီႈၸၢႆးဢွင်ႇၶမ်း ယူႇဝဵင်းၵႅဝ်ႈၼႆႄလႈ ၽူႈမီးပုၼ်ႈၽွၼ်းၶဝ် သိုပ်ႇၽူၼ်းႁွင်ႉဢဝ် ၸၢႆးဢွင်ႇၶမ်းထႅင်ႈ။

ယၢမ်းမိူဝ်းသွၵ်ႈတီႈၶွင်ႉ ၸၢႆးဢွင်ႇၶမ်းၶဝ်ၶၢတ်ႈဝႆႉ ပွၵ်ႉယၼ်ႇ ဢွင်ႇမေႇ၊သဵၼ်ႈတၢင်းပႃႇလႅင်ၼၼ်ႉ သိမ်းလႆႈပႃး ယႃႈမ4000 မဵတ်ႉ၊ၼမ်ႉၶႅင်800လူဝ်း၊ၵွင်ႈM22 (2)လဝ်း၊ၵွင်ႈM16 (1)လဝ်း၊ ၵွင်ႈပွတ်း(1)လဝ်း လႄႈမၢၵ်ႇၵွင်ႈတင်းသဵင်ႈ(1253)လုၵ်ႈ ႁူမ်ႈပႃး မၢၵ်ႇပွမ်း(3)လုၵ်ႈ ၽူႈမီး ပုၼ်ႈၽွၼ်းၽၢႆႇပရိၵ်ႈမၢၼ်ႈၶဝ် ပိုၼ် ၽၢဝ်ႇၼင်ႇၼႆ။

Top