You are here
Home > ၶၢဝ်ႇ > ၵူႈလွင်ႈလွင်ႈ > ၼႂ်းပၢတ်ႈလဵဝ် မႆႉဢၼ်တီႉၺွပ်းလႆႈဢမ်ႇပဵၼ်တၢင်းၵၢၼ် ၼႂ်းမိူင်းတႆးသွင်ပွၵ်ႈၼၼ်ႉ ဢမ်ႇမီးၸဝ်ႈၶွင်

ၼႂ်းပၢတ်ႈလဵဝ် မႆႉဢၼ်တီႉၺွပ်းလႆႈဢမ်ႇပဵၼ်တၢင်းၵၢၼ် ၼႂ်းမိူင်းတႆးသွင်ပွၵ်ႈၼၼ်ႉ ဢမ်ႇမီးၸဝ်ႈၶွင်

လိူၼ် February 23ဝၼ်း၊  By –  ၶုၼ်ၽဝ

ႁွင်ႈၵၢၼ်ၽၢႆႇပႃႇမႆႉ ပိုၼ်ၽၢဝ်ႇဝႃႈ တႄႇမိူဝ်ႈလိူၼ် February 17 ဝၼ်း တေႃႇထိုင် လိူၼ် February 23 ဝၼ်းၼႆႉ တီႈၼႂ်းမိူင်းတႆး တီႉၺွပ်းလႆႈမႆႉ ဢၼ်ဢမ်ႇပဵၼ်တၢင်းၵၢၼ်သွင်ပွၵ်ႈ လူၺ်ႈဢမ်ႇမီးၸဝ်ႈၶွင် ၼႆယဝ်ႉ။

ၶႅပ်းႁၢင်ႈ- မိူဝ်ႈလိူၼ်February 17 ဝၼ်း မႆႉဢၼ်တီႉၺွပ်းလႆႈ ႁိမ်းဝၢၼ်းပုင်ႇ၊ ဢိူင်ႇတႃႈပိင်း၊ ၸေႈဝဵင်းၵဵင်းတုင်

ပီႊ2020ၼီႊ လိူၼ်February 22 ဝၼ်း တီႈၽၢႆႇတူၵ်းဝၢၼ်ႈႁူဝ်ၶူဝ်၊ ၸေႈဝဵင်းၼွင်ၶဵဝ်ၼၼ်ႉ ၽူႈမီးပုၼ်ႈ ၽွၼ်းၶဝ် တီႉၺွပ်းလႆႈၵွင်မႆႉဢမ်ႇပဵၼ်တၢင်းၵၢၼ် မႆႉသၵ်း 4.85 တၢၼ်ႇ၊ မႆႉတၢင်ႇၸိူဝ်းမီး 29.14 တၢၼ်ႇ၊ ႁူဝ်ၸၢၵ်ႈဢိၼ်ႇၵျိၼ်ႇ ႁႅင်းမႃႉ 25 တူဝ် ၼိုင်ႈလုၵ်ႈလႄႈ ၶိူင်ႈၶူဝ်းဢၼ်ၵဵဝ်ႇလူၺ်ႈၵၢၼ်တတ်းမႆႉ တင်းၼမ် လူၺ်ႈဢမ်ႇမီးၸဝ်ႈၶွင် ဝႃႈၼႆ။

ၶႅပ်းႁၢင်ႈ- မိူဝ်ႈလိူၼ်February 17 ဝၼ်း မႆႉဢၼ်တီႉၺွပ်းလႆႈ ႁိမ်းဝၢၼ်းပုင်ႇ၊ ဢိူင်ႇတႃႈပိင်း၊ ၸေႈဝဵင်းၵဵင်းတုင်

မိူဝ်ႈလိူၼ်February 17 ဝၼ်းၼၼ်ႉ ႁွင်ႈၵၢၼ်ၽၢႆႇပႃႇမႆႉ ပိုၼ်ၽၢဝ်ႇဝႃႈ “တီႈႁိမ်းဝၢၼ်ႈပုင်ႇ၊ ဢိူင်ႇတႃႈပိင်း၊ ၸေႈဝဵင်းၵဵင်းတုင် ၽူႈမီးပုၼ်ႈၽွၼ်းၶဝ် တီႉၺွပ်းလႆႈၵွင်မႆႉဢမ်ႇပဵၼ်တၢင်းၵၢၼ် မႆႉသၵ်း 95 လုၼ်ႈ၊ မႆႉတၢင်ႇၸိူဝ်း မီး 5.3290 တၢၼ်ႇ၊ ၸၢၵ်ႈတတ်းမႆႉ ဢၼ်ႁဵတ်းဢွၵ်ႇမိူင်းၶေႇ 4 လုၵ်ႈ ၺွပ်းလႆႈ လူၺ်ႈဢမ်ႇမီးၸဝ်ႈၶွင်” ဝႃႈၼႆ။ၵဵဝ်ႇၵပ်းလူၺ်ႈလွင်ႈၼႆႉ ၽူႈမီးပုၼ်ႈၽွၼ်းႁွင်ႈၵၢၼ်ၽၢႆႇပႃႇမႆႉ ပိုတ်ႇလိူင်ႈဝႆႉတီႈႁူင်းပလိၵ်ႈသေ တေသေႃႉႁႃ ဢဝ်ၵူၼ်းၸိူဝ်းၵဵဝ်ႇၶွင်ႈၼၼ်ႉ ဢဝ်လိူင်ႈၵႂႃႇ ၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းမီး လႆႈႁူႉၼင်ႇၼႆ။

Top