You are here
Home > ၶၢဝ်ႇ > ၵၢၼ်မၢၵ်ႈမီး > မိူင်းၶႄႇတုၵ်းယွၼ်း ႁႂ်ႈဢမေႇရိၵၢၼ်ႇ ၵိုတ်းပွႆးတိုၵ်းၵၢၼ်မၢၵ်ႈမီး

မိူင်းၶႄႇတုၵ်းယွၼ်း ႁႂ်ႈဢမေႇရိၵၢၼ်ႇ ၵိုတ်းပွႆးတိုၵ်းၵၢၼ်မၢၵ်ႈမီး

August 22,2019

By – သႅင်ၸိုင်ႈ

ၼႂ်းလိူၼ်ဢေႃးၵၢတ်ႉ 21 ဝၼ်း ပီႊ 2019 ၼီႊၼၼ်ႉ လူင်ပွင်ၸိုင်ႈမိူင်းၶေႇ တုၵ်းယွၼ်းထိုင်မိူင်းဢ မေႇရိၵၢၼ် ႁႂ်ႈၵိုတ်းယိုတ်းပႅတ်ႈ လွင်ႈတိူဝ်းၵဵပ်းဢၶွၼ်ႇၼႂ်းၵေႈသွင်မိူင်းသေ ႁႂ်ႈဢဝ်လၢႆးတၢင်း ဢုပ်ႇဢူဝ်းၶူၼ်ႉႁႃၶေႃႈၽွမ်ႉလႆႈၸႂ် တႃႇၵေႃႇသၢင်ႈၵၢၼ်ၵႃႉၶၢႆ လၢႆးမႂ်ႇ ဝႃႈၼႆ။

ၸိၼ်ႊသျွင်ႊ(Geng Shuang) ၵေႃႉပဵၼ်ၽူႈၶၢၼ်ပၢၵ်ႇ ၼႂ်းႁွင်ႈၵၢၼ်ၶုၼ်ၽွင်းလူင်မိူင်းၶႄႇလၢတ်ႈ ဝႃႈ “ မုင်ႈမွင်းဝႃႈ မိူင်းဢမေႇရိၵၢၼ်ႇ တေမီးလွင်ႈၵပ်းသိုပ်ႇဢၼ်ထုၵ်ႇမေႃၵၼ်တင်းမိူင်းၶႄႇသေ ၸႂ်ႉတိုဝ်းၶိုၼ်းလွၵ်းပိူင်ၵၢၼ်ၵႃႉၶၢႆ ဢၼ်တေမီးၽွၼ်းလီတႃႇသွင်မိူင်းၵႂႃႇ” ၼႆယူႇ။

တေႃႇၼႄႇထရမ်ႉ ၸွမ်ၸိုင်ႈမိူင်းဢမေႇရိၵၢၼ်ႇလၢတ်ႈဝႃႈ “ မိူဝ်ႈလႂ်မိူင်းၶႄႇတုၵ်းလူင်း ႁဵတ်းသၢင်ႈ ၵႂႃႇၸွမ်း ၶေႃႈၽွမ်ႉလႆႈၸႂ်မူႇပိူင်ၵၢၼ်ပၢႆးၸၢင်ႊထၢၼ်ႈသုင်ၼၼ်ႉၸင်ႇ တေႁပ်ႉဢုပ်ႇမိူင်းၶႄႇၵႂႃႇ၊ မိူင်းၶႄႇ ဢဝ်ၼမ်ႉတွၼ်းၼိူဝ်မိူင်းဢမေႇရိၵၢၼ်ႇမႃး ၶၢဝ်းတၢင်း(25)ပီႊယဝ်ႉလႄႈ တႃႇတေၵႄႈ လိတ်ႈပၼ်ႁႃလူင်ၼႆႉၵေႃႈ ပုၼ်ႈၽွၼ်းတူၵ်းမႃးယဝ်ႉ” ဝႃႈၼႆ။

မိူဝ်ႈပၢၼ်ၸွမ်ၸိုင်ႈၵဝ်ႇ Bill Clintin၊ George W Bush၊ Barack Obama ၼၼ်ႉ ၸႂ်ႉတိုဝ်းပေႃႇလ သီႇၵၢၼ်ၵႃႉၶၢႆတေႃႇမိူင်းၶႄႇ ဢမ်ႇမီးလွင်ႈဢွင်ႇမၢၼ်မႃးလႄႈ ထရၢမ်ႉၸင်ႇလႆႈႁပ်ႉပုၼ်ႈၽွၼ်း သေ ၵႄႈလိတ်ႈပၼ်ႁႃလူင်ၼႆႉၵႂႃႇ ၼႆယဝ်ႉ။

Top